VOA Amharic Daily Radio News Thursday December 21 2017

ዲሠምበር 20፣ 2017
አስደናቂ ህይወት
መግቢያ፡ ብዙ ጊዜ ይህና ያ ቢኖረን ደስተኛ እንሆን ነበር ብለን እናስባለን፣ ነገር ግን የደስተኛነት ሚስጢሩ ከምናስበው በላይ በጣም ቀላል ነው። የዛሬውን የጥበብ ቃል ለማግኘት ይህን መልዕክት አንብቡ።
ወንድሞቼ ሆይ የእምነታችሁ መፈተን ትዕግስትን እንዲያደርግላችሁ አውቃችሁ ልዩ ልዩ ፈተና ሲደርስባችሁ እንደ ሙሉ ደስታ ቁጠሩት። ትዕግስትም ምንም የሚጎድላችሁ ሳይኖር ፍፁማንና ሙሉዓን ትሆኑ ዘንድ ሥራውን ይፈፅም። ያዕ 1፥2-4
አባቴ የተወለደው በታላቁ የኢኮኖሚ ውድቀት ወቅት እኤአ በ 1930 ዎቹ መጀመሪያ ነበር። እሱ ባደገበት የገጠር ከተማ የመብራትም ሆነ የውሃ አገልግሎት አያገኙም ነበር። ማቀዝቀዣ የላቸውም ነበር። በቤታቸው ያሉ መቀዝቀዝ ያለባቸውን ምግቦች ለማቀዝቀዝ የበረዶ አንኳር ከበረዶ መሸጫ ቤት መግዛት ነበረባቸው። ገንዘብ ማግኘት ከባድ ነበር። በአካባቢያቸው የስልክ አገልግሎት አልነበረም፣ የጋራ መፀዳጃ ቤትም ይጠቀሙ ነበር። ዛሬ ማንኛውም ሠው በቀላሉ የሚያገኘው ነገር አልነበራቸውም፣ ነገር ግን ደስተኞች ነበሩ። በጣም አስቸጋሪ ህይወት ነበራቸው፣ ነገር ግን በዛ አስቸጋሪ ጊዜ ውስጥ የኖሩ አስደናቂ ትውልዶች ናቸው።
ጊዜው እየከፋ ሲመጣ፣ ሠዎች ሁኔታውን በመጋፈጥ ጠንካራ ሆኑ። የሳንቲሙ ግልባጭ ገፅታ ልክ እንደ ልጅ ባህሪ ነው፣ ህይወት ቀላል ሲሆን፣ እኛ እንበላሻለን፣ አናመሰግንም፣ ደስተኛም አይደለንም፣ ይከፋናል።
ብዙ ጊዜ ይህና ያ ቢኖረን ደስተኛ እንሆን ነበር ብለን እናስባለን። እውነታው ግን ሎተሪ ከደረሳቸው ሠዎች ሠባ በመቶው መጨረሻቸው አያምርም። ብዙዎቹ ራሳቸውን ያጠፋሉ፣ ትዳራቸውን የመፍታት እድላቸውም ከተለመደው ሁኔታ በአራት እጥፍ ይበልጣል። ይህ ሁኔታ ደስተኛ አያደርግም።
ዛሬ ብዙ ሠዎች ለመኖር የሚያደርጉት ውጣ ውረድ ከባድ ሆኖባቸዋል፣ ነገር ግን እነዚህ ውጣ ውረዶች የተሻልን እንድንሆን ያደርጉናል። በነዚህ ውጣ ውረዶች ስናልፍ ብልህ፣ ጠንካራ እና የተሻልን ሠዎች እንሆናለን። በየትኛውም ቦታ ይበቃኛል ማለትን መማር አለብን ልክ ጳውሎስ በፊልጵስዮስ 4፥11 እንደፃፈው።
በደስታ መጠን ላይ የተሰራ አንድ ጥናታዊ ፊልም በቅርብ ጊዜ አይቼ ነበር፣ ጥልቅ ጥናት ካካሄዱ በኃላ የምንኖርበት ሁኔታ ለደስታችን መጠን አስር በመቶ ብቻ አስተዋፅኦ እንደሚያደርግ አረጋግጠዋል።
እንደ ምግብ፣ ውሃ እና መጠለያ ያሉ መሠረታዊ ፍላጎቶች ከተሟሉ ተጨማሪ ነገሮችን መግዛት በደስታችን ላይ ያለው አስተዋፅኦ አነስተኛ ነው። በሦስተኛ አለም አገሮች በድህነት የሚኖሩ ሠዎች እዚህ አሜሪካ ውስጥ ሁሉ ነገር በተሟላለት ቪላ ውስጥ ከሚኖሩ ሠዎች ይልቅ ደስተኞች መሆናቸውን በጥናታቸው አረጋግጠዋል።
ደስታን በቀጥታ ለማግኘት መሞከር የበለጠ የማይጨበጥ ያደርገዋል፣ ነገር ግን ሌሎች ሠዎችን ባለባቸው ችግር ሁሉ ብንረዳቸው ለእኛ ደስታን ይጨምርልናል። ሠዎች በራሳቸው ላይ ወይም በፍላጎታቸው ላይ ማተኮር ሲቀንሱ በህይወታቸው ደስተኛ ይሆናሉ። የመፀሐፍ ቅዱስ ቃልንም ይደግፋል ብዬ አስባለሁ። እንግዲህ ሠዎች ሊያደርጉላችሁ የምትወዱትን ሁሉ እናንተ ደግሞ እንዲሁ አድርጉላቸው። ስጡ ይሰጣችሁማል። ስለሌሎች ፀልዩ የእናንተም ህይወት እንዲሁ ይለወጣል። ለሠዎች ደስታ ትጉ፣ የእናንተም ደስታ ይጨምራል።
እምነታችሁ ሲፈተን ጠንካራ ይሆናል፣ ልክ ጡንቻችሁን ለማሳደግ ስፖርት መስራት እንዳለባችሁ ሁሉ፣ እምነታችሁም እንዲሁ ነው። በችግር ወቅት ራሳችሁን በጣም አታስጨንቁ፣ እራሳችሁን አረጋጉ እንጂ። ሻማዋን በሁለት በኩል ከለኮስናት እድሜ አይኖራትም። ባለንበት ቦታ ሁሉ ይበቃኛል ማለትን መማር አለብን፣ ምክንያቱም አስደናቂ የሆነ ህይወት አለንና።
ፀሎት፡ ሠማያዊ አባቴ ሆይ ስለሰጠኃኝ አስደናቂ ህይወት አመሠግንኃለው። በሠጠኃኝ ነገር ሁሉ ስለባረከኝ አመሰግንኃለው። በአንተ ዓይን እመለከት ዘንድ እርዳኝ፣ ይበቃኛል ማለትን አስተምረኝ። አስፈላጊ ነው የምለው ነገር በአንተ ዓይን አስፈላጊ የሆነውን ብቻ ይሁን። በጌታ በእየሱስ ክርስቶስ ሥም ፀለይኩኝ፣ አሜን።
ከሪፍሬሺንግ ሆፕ ሚኒስትሪ የተወሰደ
በ ፓስተር ዲዬን ቶድ የቀረበ

ወያአኔ። ዳውን

እኔ። ምለው። ወያአኔ። እራሴ። ገመገምኩ። የሚለው። ማን። ገምግሞት። ነው?

ወይጉድ። አገሬ